Thorin Oakenshield

Sierra Concha lé owá

Čhaŋwápe Ǧí Wí iwíkčemna

“Lord of the Rings” wičhóoyake kiŋ líla očháštȟuŋyaŋ úŋ. Wakáŋ, wíŋyaŋ, wičháša na wakȟáŋyeža óta taŋyáŋ slolyápi. Oyáte óta wičhóoyake kiŋ lé waštélakapi. Frodo lekšítku kiŋ Bilbo ečíyapi. J.R.R Tolkien “Lord of the Rings” owá šni háŋni, “Hobbit” wičhóoyake kiŋ owá.

Eháŋni Bilbo wičháša ošpúla eyá ób oómani káǧe. Wičháša ošpúla itȟáŋčhaŋ kiŋ Thorin Oakenshield ečíyapi. Thorin thiwáhe kiŋ Erebor etáŋhaŋ naíŋš Ȟé Iyókišiča eyápi. Waníyetu óta heháŋyaŋ Thorin tȟuŋkášitku na atkúku kiŋ líla khúžapi. Iyúha ȟé kiŋ othípi na mázaskazi kaǧápi. Thorin tȟuŋkášitku na atkúku kiŋ mázaskazi líla theȟílapi. Wičháša ošpúla kiŋ él éwičhawačhiŋpi šni. Itȟáŋčhaŋ wašté héčhapi šni.

Aŋpétu waŋ él, uŋkčéǧila waŋ Erebor-ta í na dwarves wičhákte. Orcs íŋš-eyá ípi na wičhákhizapi. Wičháša ošpúla čónala niíč’iyapi. Thorin tȟuŋkášitku kiŋ t’íŋ na atkúku kiŋ tókȟaȟ’aŋ. Yuŋkȟáŋ Thorin Oakenshield wičhášayatapi tȟéča héčha. Thorin óhiŋniyaŋ wičháša ošpúla kiŋ taŋyáŋ awáŋwičhayanke. Líla wičhašayatapi wašté héčha.

Éyaš Thorin na tȟathíwahe kiŋ tákuni thípi yuhápi šni ičhíŋ uŋkčéǧila k’uŋ wičháktela na Erebor wičhákhi čha iyéha mahél thí. Thorin lé líla tȟawát’elye šni. Ohákab Thorin na wičháša ošpúla akénuŋpa íŋš-eyá Shire-ta ípi. Makȟóče waŋ khípi k’úŋ he ikíkču kte ȟčiŋ na wamánuŋ s’a etáŋ wičháčhiŋ. Bilbo Baggins na wičháša ošpúla kiŋ wóglakapi yuŋkȟáŋ Bilbo heyé, “Háŋ, wamánuŋ s’a hemáčha kte.” Na heháŋl iyúha ománi iyáyapi.

Uŋkčéǧila kiŋ wókȟokpȟeke éyaš Thorin ítokȟa šni. Thorin tȟathíwahe kiŋ líla thewíčhakiȟila. Thorin Erebor ikíkču kte ȟčiŋ na ithúšeka ečhúŋ kte. Toháŋl iyúha Erebor-ta ípi eháŋl Thorin taŋyáŋ wičhákhiziŋ na čhaŋtét’íŋza úŋ. Thorin uŋkčéǧila kté šni. Wičháša waŋ uŋkčéǧila kiŋ kté éyašThorin líla iyútȟe. Yuŋkȟáŋ Thorin tȟaŋčháŋ kiŋ kitáŋla khúže. Mázaskazi kiŋ líla wóȟakačha Thorin sáŋm čhaŋzéya ophíič’iye. Thorin tȟathíwahe kiŋ é na Bilbo mázaskazi kiŋ waȟtélapi šni. Thorin leháŋl atkúku na tȟuŋkášitku kiŋ tókhel ophíič’iyapi k’uŋ iyéčhelya ophíič’iye. Aŋpétu iyóhila iyúha nihíŋčiyapi. Tȟóka óta Erebor-ta ípi na okíčhize kte kiŋ iglúwiŋyeyapi.

Thorin thiwáhe kiŋ iyótaŋ thewíčhakiȟila čha aphíič’iye. Wičháša ošpúla akéyamni Erebor etáŋhaŋ glínápȟapi na wičhákhízapi. Thorin tȟathíwahe kiŋ čónalapi éyaš Thorin awáŋwičhayaŋka čhíŋ. Thorin Erebor taŋyáŋ nakíčižiŋ na thiwáhe kiŋ kȟó nawíčhakičižíŋ. Thorin tóhaŋni nihíŋčiye šni na oyáte, goblins na orcs wičhákhiziŋ na ohíye. Thorin tóhaŋni íyakičhuŋni šni.

Wičhóoyake oíhaŋke kiŋ él, Thorin na orc itȟáŋčhaŋ kiŋ kičhízapi. Thorin napȟé šni. Thorin taŋyáŋ khíziŋ na orc itȟáŋčhaŋ kiŋ kté. Thorin waíč’iuŋye. Erebor ikíkču na iyúha nawíčhakičižiŋ. Thorin t’é éyaš iyúha taŋyáŋ kiksúyapi. Thorin óhiŋniyaŋ tȟathíwahe kiŋ él éwičhawačhiŋ. Wičháša ošpúla kiŋ iyúha waš’ákapi éyaš Thorin iyótaŋ waš’áke. Thorin iyótaŋ wičhášayatapi héčha ičhíŋ wóohitike yuhá na waúŋšila.