Wóihaŋble Mitȟáwa kiŋ
Otto Cuny lé owá
Ištáwičháyazaŋ Wí Ičítopa, 2019
Haŋhépi čháŋna iyáhaŋbla hwo? Táku iyáhaŋbla hwo? Wóihaŋble waŋ iwáhaŋble. Wičhóni wašté waŋ iwáhaŋble ló. Waŋná aŋpétu iyóhila iwáhaŋble. Aŋpétu hená iyómakiphi, Lakȟótiyapi kiŋ uŋspémič’ičhiye. Lakȟótiyapi kiŋ óhiŋniyaŋ uŋspémič’ičhiya wačhíŋ, éyaš tókhel héčhamuŋ kte kiŋ slolwáye šni. Wówaši mitȟáwa kiŋ líla philáwakhiye.
