Tákuwe Dumbledore Waštéwalake Šni
Sierra Concha lé owá
Čhaŋnápȟopa Wí Ičítopa, 2019
Tóhaŋ J.K. Rowling Harry Potter owá k'uŋ héhaŋ, makȟásitomni witkóya ophíič’yapi s’eléčheča. Harry Potter, Hermione, na Ron Weasley wóohitike yuhá škáŋpi, na Voldemort líla wókȟokipȟe. Wičhóoyake kiŋ lé okhílita. Wičhóoyake waŋ “Harry Potter” eyápi kiŋ iyótaŋ waštéwalake. Wimáčhiŋcala k’uŋ héhaŋ, iná makíyawa. Yuŋkȟáŋ, waníyetu mašákowiŋ naíŋš mašágloǧaŋ k’uŋ héhaŋ, “Harry Potter” mišnála yawápi uŋmáspe.
Oyáte kiŋ iyúha Albus Dumbledore líla waštélakapi. Dumbledore Harry Potter tȟówayawa él itȟáŋčhaŋ kiŋ é. Dumbledore líla waš’áke. Tuwé kiŋ iyúha oyákapi ektá Dumbledore wičháȟmuŋǧe oyáte kiŋ ówičhakiya kéyapi. Dumbledore líla yuónihaŋpi s’eléčheča, éyaš kȟoškálaka k’uŋ héhaŋ, Dumbledore takúku šíča ečhúŋ. Dumbledore tȟaŋkšítku kiŋ wíŋyaŋ tȟéča héčha. Wíŋyaŋ kiŋ Ariana ečíyapi. Ariana tȟawáčhiŋ kiŋ ečhétu šni. Ariana wíȟmuŋǧa héčha, éyaš wakȟáŋȟ’aŋ ópȟa šni. Haŋhépi waŋ él, Ariana húŋku kiŋ wanúŋktašni kté. Yuŋkȟáŋ Dumbledore gle-kápiŋ éyaš khí. Dumbledore waštéič’ila úŋ čha húŋku kiŋ t’é kiŋ ítokȟa šni.
Haŋhépi waŋ él, Dumbledore tȟakȟólaku waŋ Grindelwald ečíyapi čha Dumbledore thí ektá í. Táku uŋ Dumbledore na Grindelwald kičhízapi slolúŋyaŋpi šni, éyaš táku tókȟuŋpi kiŋ slol’úŋyaŋpi. Kičhíȟmuŋȟ wačhíŋpi kéyapi, na heháŋl Dumbledore suŋkáku Aberborth íŋš-eyá thípi ektá í. Héčhena kičhíȟmuŋǧapi škhé. Uŋgnáhela Ariana kičhízapi kiŋ ogná iyáye. Tuwá Ariana kté he? Tuwéni slolyé šni. Aberforth čhaŋtéšilyaophíič’iye, éyaš Dumbledore akhé ítokȟa šni. Dumbledore iyáye.
Waníyetu óta yuŋkȟáŋ Dumbledore Hogwarts owáyawa ektá itȟáŋčhaŋ héčha. Dumbledore onáȟ’uŋ ečhíyataŋhaŋ Voldemort Lily é na James Potter wičhákte škhé. Éyaš Harry Potter héčhena ní úŋ škhé. Yuŋkȟáŋ Dumbledore wóayate waŋ naȟ’úŋ. Wóayate k’uŋ hé lé é: hokšíla kiŋ Voldemort kté naíŋšVoldemort hokšila k’uŋ kté kta kéye. Dumbledore hokšíla kiŋ tuwé kiŋ slolyé. Ítȟehaŋ, Dumbledore Voldemorthorcruxes ič’íčhaǧa čha abléze. Horcruxes kiŋ wičhánaǧi kiŋháŋ naksé. Voldemort horcruxes šákówiŋ ič’íčhaǧe. Éyaš, Voldemort Harry Potter íŋš-eyá horcruxhéčha kiŋ slolyé šni. Dumbledore slolyé, eyáš Harry Potter okíčiyake šni. Tákuwe?
Takúku óta Dumbledore Harry Potter okíčiyake šni. Dumbledore horcruxes kiŋ átaya iháŋkiŋ kta čhíŋ čha Harry Potter íŋš-eyá t’á čhíŋ kte. Tóhaŋ Harry Potter waníyetu akézaptaŋ k’uŋ héhaŋ, Dumbledore iyáye. Harry Potter líla nihíŋčiyiŋ na išnála úŋ, éyaš Dumbledore akhé ítokȟa šni. Ítȟehaŋ, Dumbledore khí na horcruxes ečhíyataŋhaŋ okíyake. Éyaš Dumbledore Harry toháŋyela ókiye. Harry na Dumbledore horcrux waŋžíla ičúpi, éyaš uŋmá kiŋ tóškhe ktépi kte kiŋ slolyápi šni. Íyečhana, Severus Snape, waúŋspewíčhakiye héčha, Dumbledore kté. Harry héčhena horcrux héčha slolkíye šni.
Ítȟehaŋ, Harry akíbleziŋ na líla čhaŋtéšiče. Harry wičála šni, éyaš wóohitike kič’úŋ. Harry Voldemort ektá í, na nuphíŋ kičhízapi. Harry na Voldemort kičhíktepi.Dumbledore Harry ayúštaŋ. Harry kȟoškalaka na táku óta slolyé šni. Eháŋni Dumbledore táku óta ableze, na Harry ókiyiŋ kta kȟa. Wičhóoyake kiŋ lé él Dumbledore kiŋ waštéič’ila. Ariana kté séče, na Harry ayúštaŋ na t’á čha wóčhaŋtešica iyágleye.
