Lakȟól Wičhóȟ’aŋ: 

Išnála Zuyá Yápi Kiŋ

Tuwá wóhitika čháŋna išnála zuyá yá čhaŋ hé líla othéȟika ečhúŋ yawápi. Na toháŋl iyáya čháŋna oyáte kiŋ hé líla atúŋwaŋ khuwápi naíŋš onáȟ’uŋ wačhíŋpi.

Na waná toháŋyaŋ ománi kiŋ, hé thiwáhe kiŋ líla oȟ’áŋwašteya úŋpi. Na táku šíča ečhúŋ kte šni, na akhípȟa kte šni, hé uŋ ečhúŋpi. Na waná toháŋl glí na šuŋk-ágli ešá eháŋtaŋš, líla wówiyuškiŋke. Na hé iyótaŋ tȟókakte, na wičhápȟaha aglí eháŋtaŋš, he líla wóhitiya oȟ’áŋyaŋ čhaŋ oyáte kiŋ tuwéni tákukhiya okíhi šni, tókhel oȟ’áŋye kiŋ iyéhaŋyaŋ úŋpi šni hé uŋ.

Heháŋl tuwá lé išná zuyá na makȟámaniyaŋ í eháŋtaŋš, hé iyótaŋ líla theȟíke, na ozúye óta ešá núŋblala othéȟike. Uŋmá išná zuyá waŋ makȟámaniyaŋ í kiŋ hé, na zuyá čónala wičháyuš’iŋyaye eháŋtaŋš, hé líla othéȟike, tuwéni wačhíŋye-phičá šni hé uŋ.

Na ozúye óta ešá wówasukiye waŋžíla tuwá zuyá itȟáŋčhaŋ kiŋ hé úŋyaŋ nawíčhaphiŋ kte šni. Na tókhel wičháša óta t’eyíŋ kte šni hé ogná, na nakúŋ išná wasáŋničayiŋ kte kiŋ, na iyé líla waúŋtȟuŋyaŋpi kte kiŋ hé ogná, tȟa-hókšila owíčhakiyakiŋ na ečhél ečhúŋpi. Na itȟáŋčhaŋ kiŋ líla waktápi.

Wáŋčala zuyá imátȟaŋčhaŋ čha slolwáye. Tákuni t’ewáye šni čha wámaphike.